男人不幫男人 - 細so

2009-05-23
身邊總有朋友經常向我投訴,
佢地既女朋友成日有意冇意又借D依去check佢地既email, sms, msn, icq.......
令佢地十分苦惱.
但係那邊箱,
身邊既女性朋友又會向我訴苦,
話佢個男朋友經常古古怪怪,
令人懷疑!
有咁既問題出現,
全因一個 『信』字!
但係身為男人既我,
都可以好老實咁話你聽,
男人的確係一種可疑既生物!
有見及比, 我打算出賣咁多位巴打,
男人不幫男人!
以下係三種不同既情況,
只要一旦發生你男友身上的話,
女仕們, 咁就唔洗再check 佢email, msn, sms, icq 啦!
我有十足信心,
佢地有野呃緊你呀!!
情況一.
當你男人手持全新型號AV影音產品番屋企,
而佢又聲稱係抽獎抽番既,
又或者話係個Friend 唔要俾佢既話,
你可以放心, 佢十成十係講大話!!
疑點一, 男人通常唔會填個D抽獎表格, 因為懶!
疑點二, 就算真係抽到, 通常都係D唔等洗既野,
一定都唔會係最新型號!
疑點三, 朋友送? 唔好講笑啦! 你有新機唔用,
你會去放定送俾Friend呀?
情況二.
當你男友突然同你講, 其實你唔化裝都幾靚呀!
我唔排除佢好有可能係講真心話既,
但係佢更有可能係另有原因,
原因一, 佢唔想你再花更多既錢去買一D顏色筆(我意思係化裝品),
原因二, 佢唔想你花錢去買更多既護膚品,
原因三, 佢唔想下次出街前又要再等你化裝化成半個鐘.
原因四, 你真係好靚!
情況三.
當你男友同你講::"我做野真係好好忙好太壓力呀!"
咁你就一諗住好啦, 咁就等我對你好D, 幫你下骨啦既時候,
你千祈唔好咁天真!
佢同你咁講目的並唔係想你服待佢,
而只係想你唔好煩佢!
而且你更加唔好諗住整野俾佢食,
因為咁樣就只會今佢增添多一個煩惱,
就係又要諗點樣答你你整D野好唔好食!
總而言之, 最緊要係唔好煩佢, 俾佢打機睇波得架啦!!
其實男人有時都想講真話,
只可惜講真話可能仲難聽仲肉麻,
咁咪唯有講大話, 因為無傷大雅!
男人的確係一種可疑既動物,
全因為女人亦係一種多疑既動物,
總之信者得救!
哈哈! 哩招叫做置之死地而後生! 男人都係幫番男人!!

http://hk.personals.yahoo.com/pers/tips/article.html?blogId=blogger02&pageNo=2#a3